Håkon Westergård hedret av fylkesordfører

Heidra for imponerande idrettsinnsats

– De har lagt ned imponerande innsats, sa fylkesordførar Anne Gine Hestetun då ho heidra 13 idrettsutøvarar med Hordaland fylkeskommune si utmerking for særlege idrettsprestasjonar. Dei 13 har teke medalje i store internasjonale konkurransar.

Fylkesordførar Anne Gine Hestetun heidrar Daniel Andersen, Hjellestad Jetskiklubb for sølv i VM i pro ski stock limited på Lake Havasu i Arizona. (foto: Bjarte Brask Eriksen)

Toppnivå
– Dette er ungdom som presterer på toppnivå. Det er kjekt å heidre dykk på fylkestinget, sa fylkesordføraren og overrekte blomster og eit bilete i Sveinung Iversen sin serie «Idrettsbilete».

Dei 13 idrettsutøvarane er:
• Espen Drange, Fana Teakwondo klubb, verdsmeister i sparring – 63 kg i Jesolo, Italia
• Madeleine Lind, Bergen Taekwondoklubb, ITF Taekwondo, gullmedalje mønster 2. dan og bronsemedalje i parøvinga "tradisjonell sparring", VM i Jesolo i Italia
• Marielle Lind, Bergen Taekwondoklubb, ITF Taekwondo, bronsemedalje i parøvinga "tradisjonell sparring", VM i Jesolo i Italia
• Kristoffer Brun, Bergen Roklubb, roing dobbeltsculler lettvekt - bronsemedalje i VM i Frankrike
• Håkon Jarvis Westergård, Varegg, orientering stafett – sølvmedalje i VM i Skottland.
• Sverre Lunde Pedersen, Fana IL, skøyter allround – bronsemedalje i VM i Calgary.
• Mariann Vestbøstad Marthinsen, Loddefjord IL, langrennspigging friteknikk – sølvmedalje i sprint og bron-semedalje på 12 km, VM i Cable, USA.
• Per Ivar Pahlm, Bergen bueskyttere, langboge 3D-skyting, gullmedalje i VM, Terni Italia.
• Monica Engeseth, Bergen Kickboksningklubb, sølv i pointfighting -50 kg, VM i Antalya i Tyrkia
• Milton Galarreta, Bergen kickboksingklubb, bronse i fullkontakt -70 kg, VM i Antalya i Tyrkia
• Ulrik Berntsen, Hjellestad Jetskiklubb, vannjet Pro Am Ski Stock – gullmedalje i VM Lake Havasu, Arizona.
• Stian Schetlein, Hjellestad jetskiklubb, sølvmedalje i pro ski slalom og bronsemedalje i pro ski lite, VM Lake Havasu, Arizona
• Daniel Andersen, Hjellestad Jetskiklubb, sølvmedalje i pro ski stock limited, VM Lake Havasu, Arizona.

Espen Drange (f.v.), Madeleine Lind, Marielle Lind,  Per Ivar Pahlm, Milton Galarreta, fylkesordførar Anne Gine Hestetun,  Håkon Jarvis Westergård, Mariann Vestbøstad Marthinsen, Ulrik Berntsen, Kristoffer Brun (ved mor Kathrine Gjestland), Stian Schjetlein (ved far Ivar Schjetlein), Daniel  Andersen,  Sverre Lunde Pedersen (ved Hans Dankertsen, leiar i Fana IL) og Monica Engeseth (ved mor Vibeke Holsen).

Heng høgt
Hordaland fylkeskommune si utmerking av særlege idrettsprestasjonar heng svært høgt. Det er idrettsprestasjonen som kvalifiserer til utmerkinga. Kravet er medaljeplassering i verdsmeisterskap eller olympiske leikar. Verdsrekordar og siger i verdscupen samanlagt kvalifiserer også til fylkeskommunen si utmerking. Utøvarane må representere ein klubb frå Hordaland.